გილოცავთ,
გილოცავთ,
გილოცავთ!
დამკვიდრებული აზრის შეცვლა ძალიან ძნელია, ამიტომ შეგახსენებთ:
თბილისის უნივერსიტეტის გახსნა და კურთხევა მოხდა 1918 წლის 8 თებერვალს (ძველი სტილით 26 იანვარს) დავით IV აღმაშენებლის ხსენების დღეს - ამ დღეს უნივერსიტეტის დამფუძნებელმა მამებმა საქვეყნოდ გამოაცხადეს უნივერსიტეტის ფუნქციონირების დაწყება.
თბილისის უნივერსიტეტი, როგორც კერძო სასწავლებელი, დაარსდა 1917 წლის 15 დეკემბერს (ძველი სტილით 2 დეკემბერს) - ამ დღეს ამიერკავკასიის კომისარიატმა ივანე ჯავახიშვილის მიერ შეტანილი განცხადების საფუძველზე მიიღო გადაწყვეტილება უნივერსიტეტის დაარსებისა და მისი წესდების დამტკიცების თაობაზე.
ეს შეხსენება იმიტომაა საჭირო, რომ თბილისის სახელმწიფო უნივერსიტეტის დაარსების 100 წელი წელს- 2017 წლის 15 დეკემბერს სრულდება და არა 2018 წელს!
მიხეილ ჯიბუტი