ერგნეთში ინციდენტების პრევენციისა და მათზე რეაგირების რიგით 50-ე შეხვედრა გაიმართება. შეხვედრის მთავარი თემა საოკუპაციო ტერიტორიაზე მავთულხლართების გაბმის შედეგად გამოწვეული პრობლემები იქნება.
როგორც ცნობილი ხდება, მხარეები იმ მოქალაქეების შესახებაც ისაუბრებენ, რომლებიც ე.წ. საზღვრის მიმდებარე ტერიტორიიდან ბოლო დღეებში გაუჩინარდნენ.
-"შეხვედრისას მიმოვიხილავთ გასული პერიოდის განმავლობაში დაფიქსირებულ ინციდენტებს. ამასთან ერთად აუცილებლად ვისაუბრებთ ოკუპაციის ხაზის მიმდებარე ტერიტორიაზე მავთულხლართებისა და ღობეების უკანონო მონტაჟით გამოწვეულ შედეგებზე"-აცხადებს შსს-ს ანალიტიკური დეპარტამენტის უფროსი შალვა ენუქიძე.