Iverioni
«    სექტემბერი 2019    »
 1
2345678
9101112131415
16171819202122
23242526272829
30 
სექტემბერი 2019 (1)
აგვისტო 2019 (5)
ივლისი 2019 (1)
ივნისი 2019 (11)
მაისი 2019 (14)
აპრილი 2019 (9)
9-11-2012, 20:27
ნანახია: 1236

ივანიშვილის პასუხი უგულავას:

სოციალურად დაუცველები კანონმდებლობით გათვალისწინებულ დახმარებას და კომპენსაციას მიიღებენ.


ამის შესახებ დღეს მთავრობის საპარლამენტო მდივანმა შალვა თადუმაძემ განაცხადა.


მისივე თქმით, საქართველოს მთავრობა გარანტიას იძლევა, რომ ყველა სოციალურად დაუცველი პირი მათთვის კანონმდებლობით გათვალისწინებულ დახმარებას და კომპენსაციას მიიღებს.


რაც შეეხება თბილისის მერის ქმედებას მთავრობის დღევანდელს სხდომაზე, თადუმაძის განმარტებით, მთავრობის რეგლამენტი ითვალისწინებს იმ პირთა ნუსხას, რომელსაც უფლება აქვს მთავრობის სხდომას დაესწროს, აღნიშნულ ნუსხაში კი ქალაქის მერი მითითებული არ არის.


"მიუხედავად ამისა, ქალაქის მერმა გადაწყვიტა, დარჩენილიყო დარბაზში და გარკვეული არეულობა შეექმნა, რა ფორმითაც მან თავისი პოზიციის დაფიქსირება და ძველი ტრადიციის გახსენება მოისურვა, რომ ის თურმე 15 წელია, ესწრებოდა მთავრობის სხდომებს. თუმცა მან მიიღო შესაბამისი მითითება პრემიერისგან, რომ ტრადიციები აღარ იქნება, აღარ იქნება უკანონობა და მთავრობა იმუშავებს იმ წესით, რომელიც კანონითაა დადგენილი", - განაცხადა თადუმაძემ.