Iverioni
«    ივლისი 2020    »
 12345
6789101112
13141516171819
20212223242526
2728293031 
ივლისი 2020 (1)
ივნისი 2020 (12)
მაისი 2020 (13)
აპრილი 2020 (16)
მარტი 2020 (18)
თებერვალი 2020 (7)
25-02-2015, 11:22
ნანახია: 885

ზურაბ ტყემელაძე: პარლამენტის რიგგარეშე სხდომით  ლარის კურსი არ გამოსწორდება

 "ზოგიერთი ჩვენი ოპონენტი მონდომებულია იმაში,რომ ხალხი ჩააგდოს პანიკაში", განცხადება ამის შესახებ საპარლამენტო უმრავლესობის წევრი, ზურაბ ტყემელაძე  "ნაციონალური მოძრაობის" იმ მოთხოვნას ეხმაურება, რომელიც ლარის კურსთან დაკავშირებით პარლამენტის რიგგარეშე სხდომის გამართვას ეხება.

 

"რიგგარეშე სხდომა რომ დაინიშნება, ამით ლარის კურსი გასწორდება? ლარის კურსის გასწორებას  რიგგარეშე სხდომა კი არ სჭირდება,  ლარის კურსის გასწორებას სჭირდება მუხლმოდრეკით მუშაობა",-განაცხადა ტყემალაძემ.

შეგახსენებთ, "ერთიანი ნაციონალური მოძრაობა" 27 თებერვალს პარლამენტის რიგგარეშე, საგანგებო სხდომის ჩატარებას ითხოვს.  პარტიის წევრმა გოკა გაბაშვილმა დღეს გამართულ ბრიფინგზე განაცხადა,  რომ ამ სხდომას უნდა დაესწრონ  პრემიერმინისტრი, ვიცეპრემიერები და ეკონომიკური ბლოკის მინისტრები.

"ქვეყანაში მძვინვარებს ძალიან მძიმე ეკონომიკური და ფინანსური კრიზისი. ლარის გაუფასურება პირდაპირ ურტყამს ჩვენი მოქალაქეების ინტერესს. ამ კრიზისის გათვალისწინებით, სასწრაფო ღონისძიებად მიგვაჩნია, რომ ჩატარდეს საქართველოს პარლამენტის რიგგარეშე, საგანგებო სხდომა",-განაცხადა გაბაშვილმა.