Iverioni
«    თებერვალი 2020    »
 12
3456789
10111213141516
17181920212223
242526272829 
თებერვალი 2020 (6)
იანვარი 2020 (2)
დეკემბერი 2019 (12)
ნოემბერი 2019 (18)
ოქტომბერი 2019 (5)
სექტემბერი 2019 (1)
23-03-2015, 14:05
ნანახია: 1047

ნინო გვენეტაძე:  დამოუკიდებელი სასამართლოს ფუნქციონირებისთვის საჭირო  ცვლილებები განხორციელდება

საქართველოს უზენაესი სასამართლოს ახალმა თავმჯდომარემ ნინო გვენეტაძემ დღეს ჟურნალისტებს განუცხადა, რომ გარკვეულ ცვლილებებს გეგმავს.

მისი თქმით, განხორციელდება ის ცვლილებები, რომლებიც დამოუკიდებელი სასამართლოს ფუნქციონირებისთვის იქნება აუცილებელი.

"ბუნებრივია, კანონის ფარგლებში განხორციელდება ისეთი ცვლილებები, რომლებიც დამოუკიდებელ და მიუკერძოებელ სასამართლოს დასჭირდება. რას შეეხება ცვლილებას, ამას შემდგომში გაცნობებთ. ამ ეტაპზე აღნიშნული მიმართულებით კონკრეტული გეგმა არ მაქვს, მაგრამ დამოუკიდებელი სასამართლოს ფუნქციონირებისთვის საჭირო და აუცილებელი ცვლილებები განხორციელდება", - განაცხადა გვენეტაძემ.

თავდაპირველად გვენეტაძე მოსამართლეებსა და სასამართლოს აპარატთან შეხვედრას გეგმავს

"ძალიან ბედნიერი და ამავე დროს ამაღელვებელი და საპასუხისმგებლო დღეა ჩემთვის, რადგან დღეიდან ვიწყებ ჩემი უფლებამოსილების შესრულებას, სამოსამართლეო საქმიანობის განხორციელებას. პირველადი, გადაუდებელი გეგმები ამ ეტაპზე არის ჩემს კოლექტივთან - მოსამართლეებთან, სასამართლოს აპარატთან შეხვედრა და ამის მერე დაგეგმვა იმ ღონისძიებებისა და აქტივობებისა, რომელიც უნდა განხორციელდეს იმ მიზნით, რომ გვქონდეს დამოუკიდებელი, მიუკერძოებელი სასამართლო, იმისთვის, რომ ხალხის ნდობა ამაღლდეს სასამართლო ხელისუფლების მიმართ. კონკრეტული წინადადებები თქვენი მეშვეობით ძალიან ინტენსიურად იქნება გაშუქებული და საზოგადოებას ჩავაყენებთ საქმის კურსში ყველა იმ მნიშვნელოვან სვლასთან დაკავშირებით, რომელიც ჩვენი მიზნის მისაღწევად იქნება განხორციელებული", - განაცხადა ნინო გვენეტაძემ.