Iverioni
«    ოქტომბერი 2019    »
 123456
78910111213
14151617181920
21222324252627
28293031 
ოქტომბერი 2019 (2)
სექტემბერი 2019 (1)
აგვისტო 2019 (5)
ივლისი 2019 (1)
ივნისი 2019 (11)
მაისი 2019 (14)
23-03-2015, 14:10
ნანახია: 1098

ვალერი ხაბურძანია: პროკურატურა ხელისუფლების  სუსტი რგოლია

მთავარი პროკურატურის საქმიანობას "არაეფექტურს" უწოდებს უშიშროების ყოფილი მინისტრი ვალერი ხაბურძანია და აღნიშნავს, რომ ქვეყნის მთავარი საგამოძიებო უწყება მოქმედი ხელისუფლების ერთ-ერთი უსუსტესი რგოლია. "როდესაც აღმოაჩენ სააკაშვილის ანგარიშებს; მისი ძმის ქონებას კიევში, რომელიც რამდენიმე ასეული მილიონის ტოლი გახდა; როდესაც აღმოაჩენ კეზერაშვილი ქონებას, რომელიც მართლაც ცალ-ცალი კალოშით დადიოდა თბილისში, დღეს კი მილიარდერია - ამ დროს პროკურატურა ვერაფერს აკეთებს. ვიცი რატომაც, იმიტომ, რომ პროკურატურა, რომელიც მუშაობდა წინა ხელისუფლებაზე, ახლა მუშაობს ახალ ხელისუფლებაზე. ეს ხალხი ემსახურება ძალაუფლებას და არა კანონს. ახალი ხელისუფლება რომ მოვიდა, ყველა პროკურორი უნდა გაეშვათ სახლში. ახლა უკვე მათი გაშვება ძნელია - როცა შენ გამოიყენე ეს პროკურორები, ახლა ვეღარ გაუშვებ", - განაცხადა "რეპორტიორის" პრესკლუბში გამართულ ბრიფინგზე ვალერი ხაბურძანიამ.

ხაბურძანიამ პროკურატურის მრჩეველთა საერთაშორისო ჯგუფის მიერ დადებულ დასკვნასთან დაკავშირებითაც ისაუბრა და განაცხადა, რომ სამართლებრივად ამ დასკვნას არავითარი მნიშვნელობა არ გააჩნია.

"ეს არის პროკურატურის მორიგი  პიარაქცია. უმჯობესია, მთავრობას ესწავლა პიარი, პროკურატურას პიარი არ უნდა სჭირდებოდეს. მრჩეველთა ეს ჯგუფი შესაძლოა, ავტორიტეტული ხალხისგან შედგება, მაგრამ ისინი დღეს ვიღაცისთვის აღარ არიან ავტორიტეტული. სამართლებრივად ამ დასკვნას არავითარი მნიშვნელობა არ გააჩნია. ეს არის პროკურატურის მხრიდან "გაპრავება" თავისი საქმიანობის. ამ დასკვნით სააკაშვილის უკრაინაში მოღვაწეობას ხელი არაფერში შეეშლება", - აღნიშნა ხაბურძანიამ.