Iverioni
«    იანვარი 2020    »
 12345
6789101112
13141516171819
20212223242526
2728293031 
იანვარი 2020 (2)
დეკემბერი 2019 (12)
ნოემბერი 2019 (18)
ოქტომბერი 2019 (5)
სექტემბერი 2019 (1)
აგვისტო 2019 (5)
8-10-2015, 14:54
ნანახია: 6149

რა მოუწოდა იენს სტოლტენბერგმა რუსეთს?

სირიაში არსებული ვითარება და რუსეთის მიერ დაწყებული სამხედრო ოპერაცია, ბრიუსელში ნატო-ს მინისტერიალის ერთ-ერთი მთავარი განსახილველი თემაა. 

 

ჩრდილოატლანტიკური ალიანსის წევრი ქვეყნების თავდაცვის მინისტრები ახლო აღმოსავლეთში მზარდ საფრთხეებზე და ალიანსის გეგმებზე ისაუბრებენ. შეხვედრის დაწყებამდე ნატო-ს გენერალურმა მდივანმა იენს სტოლტენბერგმა რუსეთს მოუწოდა, შეწყვიტოს პრეზიდენტ ბაშარ ალ-ასადის მხარდაჭერა და აღნიშნა, რომ ნატო საკუთარი მოკავშირეების დასაცავად მზად არის. 

 

როგორც "ბიბისი" წერს, მინისტერიალზე ნატო-ს თავდაცვის მინისტრები თურქეთს ოფიციალურ მხარდაჭერას გამოუცხადებენ. საქმე ეხება 3 და 4 სექტემბერს მომხდარ ინციდენტებს, როდესაც რუსულმა სამხედრო თვითმფრინავებმა თურქეთის საჰაერო სივრცე დაარღვიეს. 

გარდა ამისა, მინისტერიალზე დიდი ბრიტანეთის თავდაცვის მინისტრი მაიკლ ფელონი ოფიციალურად დაადასტურებს, რომ ლონდონი ბალტიისპირეთის ქვეყნებში ბრიტანელ სამხედროებს გააგზავნის. ანალოგიური გადაწყვეტილება აშშ-მ და გერმანიამაც მიიღეს.

 

ბრიუსელში დაწყებულ მინისტერიალზე თავდაცვის მინისტრები ავღანეთში არსებულ ვითარებაზეც იმსჯელებენ და ალიანსის თავდაცვის გაძლიერებისკენ მიმართულ ზომებს განიხილავენ. 

 

განცხადება გაკეთდება უნგრეთსა და სლოვაკეთში ნატო-ს სამეთაურო ცენტრების გახსნის შესახებ.

თავდაცვის მინისტრები ასევე, სამხედრო კონცეფციას დაამტკიცებენ, რომელიც ნატო-ს სწრაფი რეაგირების ძალების გაორმაგებას გულისხმობს.