Iverioni
«    ოქტომბერი 2019    »
 123456
78910111213
14151617181920
21222324252627
28293031 
ოქტომბერი 2019 (2)
სექტემბერი 2019 (1)
აგვისტო 2019 (5)
ივლისი 2019 (1)
ივნისი 2019 (11)
მაისი 2019 (14)
4-11-2015, 15:50
ნანახია: 1374

დავით სერგეენკო:საყოველთაო ჯანდაცვით სარგებლობა  კორპორაციული დაზღვევის მქონე პირებსაც შეეძლებათ

საყოველთაო ჯანდაცვით სარგებლობა იმ პირებსაც შეეძლებათ, რომლებსაც 2013 წლის 1-ელ ივლისამდე კორპორაციული დაზღვევა ჰქონდათ და ამის გამო აღნიშნულის შესაძლებლობა ახლა არ აქვთ. 

 

 ჯანდაცვის მინისტრმა დავით სერგეენკომ განაცხადა, უკვე მიმდინარეობს მუშაობა იმასთან დაკავშირებით, რომ მთავრობის შესაბამის დადგენილებაში ცვლილება შევიდეს და საყოველთაო ჯანდაცვა ხელმისაწავდომი აღნიშნული კატეგორიის პირებისთვისაც გახდეს.

 

"არსებული მდგომარეობით, საყოველთაო ჯანდაცვა არ ვრცელდება პირებზე, რომლებსაც 2013 წლის 1-ელ ივლისამდე ჰქონდათ კორპორაციული დაზღვევა, ხოლო მათ, ვინც კორპორაციული დაზღვევა შემდგომში დაკარგა, მიეწოდება მხოლოდ მინიმალური პაკეტი. იმისთვის, რომ თავიდან ობიექტურად გავაკეთოთ გამიჯვნა ამ სერვისებით მოსარგებლეებისთვის, აუცილებლად გვჭირდება სადაზღვევო ინდუსტრიისგან დაზუსტებული მონაცემთა ბაზა, რომლის მიღება ძალიან გართულდა, თუმცა ბოლო დღეების ინფორმაციით, სადაზღვევო ინდუსტრია მზად არის იმისთვის, რომ მოგვაწოდოს ეს ბაზა. შესაბამისად უკვე ტექნიკური ხასიათის საკითხი დარჩება, თუ როგორ გავაკეთებთ ახალ გამიჯვნას, რომ ეს იყოს სამართლიანი. ამას კანონში ცვლილებები არ დასჭირდება. მთავრობის დადგენილებაში 2013 წლის 1-ელი ივლისის მაგივრად ჩაიწერება შესაბამისი ვადა, როდესაც მონაცემთა ბაზის დადარება დასრულდება", - განაცხადა დავით სერგეენკომ.