Iverioni
«    ივლისი 2020    »
 12345
6789101112
13141516171819
20212223242526
2728293031 
ივლისი 2020 (1)
ივნისი 2020 (12)
მაისი 2020 (13)
აპრილი 2020 (16)
მარტი 2020 (18)
თებერვალი 2020 (7)
5-11-2015, 12:01
ნანახია: 653

კახა კალაძე: არავის ექნება სახელმწიფოში გადატრიალების მოწყობის უფლება

არც ერთ ქინძს, ქინძების პარტიას არ ექნება იმის საშუალება, რომ სახელმწიფოში გადატრიალებები მოაწყოს, - ამის შესახებ ენერგეტიკის მინისტრმა, ვიცე პრემიერმა კახა კალაძემ განაცხადა. 

 

რაც შეეხება ამერიკის სახელმწიფო დეპარტამენტის ოფიციალური წარმომადგენლის ჯონ კირბის განცხადებას "რუსთავი 2"-თან დაკავშირებით, კახა კალაძემ აღნიშნა, რომ ხელისუფლება მიესალმება იმ განცხადებებს, რომლებიც უცხოელი პარტნიორის მხრიდან კეთდება. 

 

"აბსოლუტურად ვეთანხმებით ყველა იმ განცხადებას, არავის არ აქვს უფლება ჩაერიოს მიმდინარე სასამართლო პროცესებში, არც "ნაციონალურ მოძრაობას", არც გარკვეულ დაჯგუფებებს. ჩვენ მაქსიმალურად უნდა გავმიჯნოთ პოლიტიკა და სასამართლო პროცესები, ეს არის ორ სუბიექტს შორის დავა, რომელიც ჯერ კიდევ გრძელდება", - განაცხადა კალაძემ. 

 

რაც შეეხება სასამართლოს, როგორც ვიცე-პრემიერმა აღნიშნა ის უნდა იყოს დამოუკიდებელი და ხელისუფლება ზუსტად ასეთ სახელმწიფოს აშენებს, სადაც დემოკრატიული ინსტიტუტების გაძლიერება, სასამართლოს დამოუკიდებლობა არის პრინციპულად მნიშვნელოვანი. რაც შეეხება თვითონ "რუსთავი 2"-ს, ჟურნალისტებს, კალაძის თქმით, ძალიან მნიშვნელოვანია სიტყვის თავისუფლება. 

 

"ძალიან მნიშვნელოვანია სიტყვის თავისუფლება, თქვენ რომ შეგეძლოთ თავისუფლად მუშაობა ყოველგვარი ზეწოლის გარეშე. ზუსტად ეს არის ის მიმართულებები, რასაც ჩვენ ვისმენთ ჩვენი მეგობარი ქვეყნებიდან და რასაც აბსოლუტურად ვეთანხმებით. საქართველო მათი სტრატეგიული, პარტნიორი, მეგობარი ქვეყანაა და ეს პროცესები რაც მიდის, თუნდაც "რუსთავი 2"-თან მიმართებაში, თქვენ იცით, რომ დიდი ინტერესია ამ სასამართლო პროცესებთან დაკავშირებით. გარკვეულ დაჯგუფებებს და პირდაპირ შეიძლება ითქვას, "ნაციონალურ მოძრაობას" აქვს სურვილი ეს პროცესი სათავისოდ გამოიყენოს, სათავისოდ გამოიყენოს "რუსთავი 2"-ის ჟურნალისტები. ეს მათ ნამდვილად არ გამოუვათ. ჩვენ მოვისმინეთ ის ფარული ჩანაწერები, რომლებიც უკრაინაში იქნა გავრცელებული და არც ერთ ქინძს, ქინძების პარტიას არ ექება იმის საშუალება, რომ სახელმწიფოში გადატრიალებები მოაწყოს. არ მივცემთ იმის საშუალებას, რომ თქვენ, ჟურნალისტები ბრმა იარაღად იყოთ გამოყენებული", - განაცხადა კახა კალაძემ.