Iverioni
«    მარტი 2019    »
 123
45678910
11121314151617
18192021222324
25262728293031
მარტი 2019 (6)
თებერვალი 2019 (10)
იანვარი 2019 (13)
დეკემბერი 2018 (12)
ნოემბერი 2018 (15)
ოქტომბერი 2018 (16)
26-01-2016, 15:24
ნანახია: 615

გაეროს მსოფლიო ტურიზმის ორგანიზაცია შეხვედრას საქართველოში ატარებს

გაეროს მსოფლიო ტურიზმის ორგანიზაცია შეხვედრას საქართველოში ატარებს. ტურიზმის ადმინისტრაციის ინფორმაციით, გამონაკლისის სახით, გაეროს მსოფლიო ტურიზმის ორგანიზაცია სტატისტიკის კომიტეტის შეხვედრას ბაზირების ქვეყნის, ესპანეთის, გარეთ საქართველოში ატარებს.

 

25-27 იანვარს საქართველო მსოფლიო ტურიზმის ორგანიზაციის მრჩეველთა ტექნიკური საბჭოს მე-5 სხდომასა და სტატისტიკისა და ტურიზმის სატელიტური ანგარიშების კომიტეტის მე-16 შეხვედრას მასპინძლობს.

 

ღონისძიების ფარგლებში საქართველოს სტუმრობენ მსოფლიო ტურიზმის ორგანიზაციის ექსპერტები სტატისტიკის დარგში. 

 

საქართველოში იმყოფება აგრეთვე მსოფლიო ტურიზმის ორგანიზაციის აღმასრულებელი დირექტორი, მარსიო ფავია, რომელიც საქმიან შეხვედრებს გამართავს ეკონომიკისა და მდგრადი განვითარების მინისტრთან, დიმიტრი ქუმსიშვილთან და ტურიზმის ეროვნული ადმინისტრაციის ხელმძღვანელთან, გიორგი ჩოგოვაძესთან.

 

სტატისტიკისა და ტურიზმის სატელიტური ანგარიშების კომიტეტი 12 ქვეყანას აერთიანებს, მათ შორის ავსტრიას, ესპანეთს, ბრაზილიას, ჩილეს და ა.შ. აღსანიშნავია, რომ საქართველო მეორე ვადით იქნა არჩეული ხსენებული კომიტეტის წევრად. გასულ პერიოდში ჩვენს ქვეყანას აღნიშნულ კომიტეტში ვიცე პრეზიდენტის პოსტიც ეკავა, წელს კი მისი მნიშვნელოვანი კონტრიბუცია უკვე ღონისძიების საქართველოში ჩატარებით აღინიშნა.

 

ხსენებული კომიტეტის წევრობა და მოცემული შეხვედრა მეტად მნიშვნელოვანია ქვეყნისთვის ტურიზმის სტატისტიკის წარმოების დახვეწის, საერთაშორისო სტანდართებთან მიახლოებისა და თანამედროვე მიდგომების დანერგვის კუთხით. 

 

გარდა ამ სხდომისა, საქართველოში გაეროს მსოფლიო ტურიზმის ორგანიზაციის ეგიდით წელს კიდევ ერთი მასშტაბურ ღონისძიება ჩატარდება. შემოდგომაზე საქართველო უმასპინძლებს ღვინის ტურიზმის პირველ გლობალურ კონფერენციას, რაც კიდევ უფრო წარმოაჩენს საქართველოს როგორც ღვინის სამშობლოს ტურისტულ პოტენციალს.