Iverioni
«    სექტემბერი 2019    »
 1
2345678
9101112131415
16171819202122
23242526272829
30 
სექტემბერი 2019 (1)
აგვისტო 2019 (5)
ივლისი 2019 (1)
ივნისი 2019 (11)
მაისი 2019 (14)
აპრილი 2019 (9)
2-12-2012, 16:03
ნანახია: 894

ილია მეორე 4 დეკემბერს წირვას სიონის ტაძარში აღავლენს

4 დეკემბერს მართლმადიდებელი ეკლესია ყოვლადწმინდა ღვთისმშობლის ტაძრად მიყვანების დღეს აღნიშნავს. 

 

ყოვლადწმინდა ღვთისმშობლის ტაძრად მიყვანების დღესასწაულზე სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი უწმინდესი და უნეტარესი ილია მეორე  წირვას სიონის საპატრიარქო ტაძარში შეასრულებს. 

 

როგორც უწმინდესმა დღევანდელი საკვირაო ქადაგების დასასრულს აღნიშნა, ტაძრებში ლოცვა 3 დეკემბერს, 17:00 საათზე დაიწყება, ხოლო წირვა სიონის ტაძარში - 4 დეკემბერს, 09:00 საათზე. "ვინაიდან ეს არის ყოვლადწმინდა ღვთისმშობლის დღესასწაული, წირვას მე თვითონ შევასრულებ", - ბრძანა უწმინდესმა. 

 

ყოვლადწმინდა ღვთისმშობლის მშობლებს, წმინდა იოაკიმესა და წმინდა ანას შვილი ორმოცდაათი წლის განმავლობაში არ ჰყავდათ. წმინდა ანამ უფალს აღუთქვა, თუ წყალობას მოიღებდა, შვილს მასვე შესწირავდა. ქალს მთავარანგელოზი გაბრიელი გამოეცხადა და ახარა, რომ ასული - მარიამი ეყოლებოდა, რომლის წიაღიდანაც ქვეყნიერებას მაცხოვარი მოევლინებოდა. 

 

სამი წლის განმავლობაში მარიამი სახლში იზრდებოდა, შემდეგ კი მშობლებმა იგი აღსაზრდელად იერუსალიმის ტაძარში მიიყვანეს.