Iverioni
«    მარტი 2019    »
 123
45678910
11121314151617
18192021222324
25262728293031
მარტი 2019 (6)
თებერვალი 2019 (10)
იანვარი 2019 (13)
დეკემბერი 2018 (12)
ნოემბერი 2018 (15)
ოქტომბერი 2018 (16)
22-06-2014, 08:53
ნანახია: 621

24 ივნისიდან კულტურის სამინისტროში მუშაობას USAID -ის კონტრაქტორი ორგანიზაცია იწყებს

   24 ივნისიდან საქართველოს კულტურისა და ძეგლთა დაცვის სამინისტროს არსებობის ისტორიაში პირველად, სამინისტროს ინსტიტუციონალური საქმიანობის გაუმჯობესების მიზნით მუშაობას USAID -ის კონტრაქტორი ორგანიზაცია იწყებს.

   სამინისტროს ინსტიტუციონალური მდგრადობის ხელშეწყობის ინიცირებასთან დაკავშირებით, 20 ივნისს საქართველოს კულტურისა და ძეგლთა დაცვის სამინისტროში მინისტრის მოადგილე ალექსანდრე მარგიშვილი და მინისტრის აპარატის უფროსი ლევან ხარატიშვილი USAID-ის კონტრაქტორი ორგანიზაცია TBSC CONSULTING-ის წარმომადგენლებს შეხვდნენ.

   TBSC CONSULTING-ის წევრებმა სამინისტროს წარმომადგენლებს მუშაობის გეგმა გააცნეს. გეგმის თანახმად, USAID -ის კონტრაქტორი ორგანიზაციის სპეციალური ჯგუფი ინსტიტუციონალური საქმიანობის გაუმჯობესების მიზნით, კულტურის სამინისტროს თანამშრომლებთან ერთობლივ მუშაობას 24 ივნისიდან შეუდგება. პროგრამით სამინისტროს საზოგადოებასთან ურთიერთობის სამსახურის საქმიანობის გაუმჯობესება, განაცხადების დამუშავების პროცესის სისტემატიზაცია, სამინისტროს შიდა ოპერაციების ოპტიმიზაცია და სხვა მნიშვნელოვანი საქმეების განხორციელება იგეგმება. სპეციალური ჯგუფი 14 კვირის განმავლობაში გამოავლენს სხვადასხვა პრობლემას, გაანალიზებს, შეიმუშვებს შესაბამის რეკომენდაციებს და შეასრულებს მას.

   აღნიშნული პროექტი საქართველოს კულტურისა და ძეგლთა დაცვის სამინისტროსა და USAID -ს შორის 2014 წლის 25 მარტს გაფორმებული ურთიერთგაგებისა და თანამშრომლობის მემორანდუმის ფარგლებში ხორციელდება და სამინისტროს ინსტიტუციონალური საქმიანობის გაუმჯობესებისთვის მუშაობას ითვალისწინებს.