მიხეილ მაჭავარიანი:-"ჩვენ გვყავს ენერგეტიკის მინისტრი, რომელსაც სულ მოლანდებები აქვს და სულ იმუქრება"
"ნაციონალური მოძრაობის" წევრი მიხეილ მაჭავარიანი ელექტროენერგიის გათიშვას ეხმაურება და ამბობს, რომ სამწუხაროა ავარიის მოხვედრა, თუმცა აქვე აღნიშნავს, რომ ენერგეტიკის მინისტრს არაადეკვატური პასუხები აქვს.
-"როგორც ჩანს ისინი თავიანთ უნიათობას ოპოზიციას აბრალებენ და უნდათ პასუხისმგებლობის მოხსნა, მაგრამ არსად მინახავს პრობლემებზე გახარებული ოპოზიცია, პირიქით, ჩვენ კარგად გვესმის ეს პრობლემები. ისიც კარგად გვესმის, რომ საქართველოს სჭირდება ენერგოდამოუკიდებლობა და მეტი ჰესის მშენებლობა, სამწუხაროა, რომ ჩვენ გვყავს ენერგეტიკის მინისტრი, რომელსაც სულ მოლანდებები აქვს და სულ იმუქრება".
