Iverioni
«    იანვარი 2019    »
 123456
78910111213
14151617181920
21222324252627
28293031 
იანვარი 2019 (8)
დეკემბერი 2018 (12)
ნოემბერი 2018 (15)
ოქტომბერი 2018 (16)
სექტემბერი 2018 (13)
აგვისტო 2018 (17)
18-09-2014, 13:55
ნანახია: 556

მაღლივი კორპუსის მიმდებარედ გაზგასამართი სადგურის მშენებლობა აკნინებს უნივერსიტეტს და საფრთხეს უქმნის სტუდენტებს

   თბილისის სახელმწიფო უნივერსიტეტის რექტორმა ვლადიმერ პაპავამ უნივერსიტეტში გამართულ ერთწლიანი ანგარიშის პრეზენტაციის დროს აღნიშნა, რომ მაღლივი კორპუსის მიმდებარედ გაზგასამართი სადგურის მშენებლობა აკნინებს უნივერსიტეტს და საფრთხეს უქმნის სტუდენტებს.

  მან იმედი გამოთქვა, რომ მთავრობაში, საკრებულოში, ასევე მერიაში ამჟამად თანამდებობაზე მყოფ ყოფილ უნივერსიტეტელებს უფრო მეტად შესტკივათ გული უნივერსიტეტზე, ვიდრე თავად მას და ამდენად, იგი ელოდება საპასუხო რეაქციას შესაბამისი გადაწყვეტილების მიღებასთან დაკავშირებით.

  უნივერსიტეტის  რექტორი აღნიშნავს,  რომ მან მოისმინა მერის მოადგილის განცხადება, სადაც ნათქვამი იყო, რომ მერია გადაწყვეტილებას არ შეიცვლის უნივერსტიტეტის მაღლივი კორპუსის მიმდებარედ გაზგასამართი სადგურის მშენებლობასთან დაკავშირებით.

  მისი თქმით, მათ არ შეუძლიათ, აწარმოონ სამართლებრივი ბრძოლა ამ საკითხის მოსაგვარებლად, რადგან აღნიშნული მიწის ნაკვეთი უნივერსიტეტის საკუთრებას არ წარმოადგენს.