მიხეილ ძაძამია პატიმრობიდან გათავისუფლდა

საქართველოს ყოფილი პრემიერ-მინისტრის, ზურაბ ჟვანიას გარდაცვალების საქმეზე დაკავებული მიხეილ ძაძამია პატიმრობიდან გათავისუფლდა.

 როგორც  გელა ქენქაძემ განცხადა, ძაძამია მოსამართლე, ეკა არეშიძემ 2000 ლარის გირაოს სანაცვლოდ გუშინ გაათავისუფლა.

შეგახსენებთ, რომ საქართველოს მთავარმა პროკურატურამ, საქართველოს ყოფილი პრემიერ-მინისტრის, ზურაბ ჟვანიას დაცვის ცვლის უფროსი მიხეილ ძაძამია შემდეგი მუხლით დააკავა - სამსახურებრივი გულგრილობა, რასაც ადამიანის სიცოცხლის მოსპობა მოყვა.