ლეონიდ თიბილოვი: საქართველო უსაფრთხოების გარანტიების შესახებ ლაპარაკს გაურბის!
ვლადიმირ პუტინის განცხადებას საქართველოს ხელისუფლებასა და ოკუპირებული რეგიონების დე-ფაქტო ლიდერებს შორის დიალოგის დაწყების თაობაზე ლეონიდ თიბილოვი გამოეხმაურა.
თიბილოვი ეთანხმება რუსეთის ფედერაციის პრეზიდენტს. თუმცა დიალოგის დაწყებისთვის რამდენიმე პირობას ასახელებს.
მისი თქმით, პირველ რიგში, საქართველომ ახალ აგრესიაზე უნდა თქვას უარი, ოსების წინააღმდეგ გენოციდი უნდა აღიაროს, ხელი მოაწეროს ძალის გამოუყენებლობის შესახებ დოკუმენტს და აღიაროს სამხრეთ ოსეთის დამოუკიდებლობა.
ოკუპირებული ცხინვალის რეგიონის ლიდერი აღნიშნავს, რომ საქართველო გაურბის უსაფრთხოების გარანტიების შესახებ ლაპარაკს.
