ჟენევის ციხეში ქართველი პატიმარი გარდაიცვალა

ჟენევის ციხეში საქართველოს მოქალაქე გარდაცვლილი იპოვეს. ამის შესახებ ინფორმაციას უცხოური მედია ადგილობრივ სამართალდამცველებზე დაყრდნობით ავრცელებს. 

მათი ცნობით, 24 წლის ახალგაზრდის ცხედარი გუშინ, შუადღისას,  შან-დოლონის ციხის საკანში იპოვეს. ცხედრის პირველადი დათვალიერების შედეგად ვარაუდობენ, რომ პატიმარმა თავი ჩამოიხრჩო.

ახალგაზრდის ვინაობა არ სახელდება, თუმცა ცნობილია, რომ ის გასული წლის ნოემბერში ერთ-ერთ დაწესებულებაში უკანონი შეღწევისთვის დააკავეს.