რა შემთხვევაში არ მიიწვევენ ვლადიმერ პუტინს გერმანიაში გასამართ "დიდი შვიდეულის" სამიტზე?

თუ უკრაინაში არსებული ვითარება უცვლელი დარჩება, რუსეთის პრეზიდენტს ივნისში, გერმანიაში გასამართ "დიდი შვიდეულის" სამიტზე კვლავ არ მოვიწვევთ. აღნიშნული განცხადება გერმანიის კანცლერმა გაზეთ Frankfurter Allgemeine Zeitung-თან გააკეთა.

"დიდი შვიდეული", რომელიც მანამდე "დიდი რვიანი" იყო, ყოველთვის იყო გაერთიანება, რომლის წევრებსაც საერთო ღირებულებები აერთიანებდათ. ყირიმის ანექსია და აღმოსავლეთ უკრაინის კონფლიქტი კი არ წარმოადგენს საერთო ღირებულებებს. თუ უკრაინაში არსებული ვითარება უცვლელი დარჩება, რუსეთის პრეზიდენტს ვლადიმირ პუტინს ივნისში, გერმანიაში გასამართ "დიდი შვიდეულის" სამიტზე კვლავ არ მოვიწვევთ", - აღნიშნა ანგელა მერკელმა.