ლაშა ტუღუში: მხოლოდ აზრის გამოთქმის გულისთვის ადამიანების სისხლის სამართლის პასუხისგებაში მიცემა ძალიან სახიფათოა
გაზეთ რეზონანსის მთავარი რედაქტორი ლაშა ტუღუში საქართველოს შინაგან საქმეთა სამინისტროს მიერ ინიცირებულ კანონპროექტს გამოეხმაურა და აღნიშნა, რომ მხოლოდ აზრის გამოთქმისთვის ადამიანების სისხლის სამართლის პასუხისგებაში მიცემა ძალიან სახიფათოა.
"ნორმა თუ გვინდა, მაშინ ამ ნორმას უნდა ჰქონდეს ისეთი ფორმულირება, რომელიც მოწოდებასთან ერთად იგულისხმებს მოქმედებებსაც, ანუ შედეგსაც. შედეგი თუ არ დადგა, მაშინ მხოლოდ აზრის გამოთქმის გულისთვის ადამიანების სისხლის სამართლის პასუხისგებაში მიცემა ძალიან სახიფათოა, ჩემი აზრით",-აცხადებს ტუღუში.
შეგახსენებთ, რომ კანონპროექტის მიხედვით, საქართველოს სისხლის სამართლის კოდექსში რამდენიმე ცვლილება შედის, მათ შორის ერთერთი შუღლის გაღვივებას შეეხება.
