უჩა ნანუაშვილი: სამართალდამცავი ორგანოების მიმართ ნდობა გარკვეულწილად ამ საქმის გამოძიებაზეა დამოკიდებული
საქართველოს სახალხო დამცველმა, უჩა ნანუაშვილმა განაცხადა, რომ ის ვაზაგაშვილის მკვლელობას მონიტორინგს გაუწევს. მისი თქმით საგამოძიებო ორგანოებმა შედეგები უახლოეს მომავალში უნდა დადონ.
"საუბარი არ არის მხოლოდ ერთ ოჯახზე და ერთ ადამიანზე, საუბარია ქვეყანაზე, სახელმწიფოებრიობაზე. ეს არის საზარელი დანაშაული და სამართალდამცველი ორგანოების მიმართ ნდობა გარკვეულწილად არის დამოკიდებული სწორედ ამ საქმის გამოძიებაზე", - განაცხადა უჩა ნანუაშვილმა.
