ბიძინა ივანიშვილი ვაზაგაშვილთან შეხვედრას ადასტურებს
საქართველოს ყოფილი პრემიერ-მინისტრი, ბიძინა ივანიშვილი ადასტურებს, რომ იური ვაზაგაშვილს, გარდაცვალებამდე რამდენიმე დღით ადრე შეხვდა. მისი თქმით, ვაზაგაშვილი ითხოვდა იმ თანამდებობის პირების გადაყენებას, რომლებიც მისი შვილის მკვლელობაში არიან გარეული.
ივანიშვილის თქმით, იური ვაზაგაშვილი ამბობდა, რომ უკრაინაში გამოჩნდა მოწმე, რომელიც ამ ფაქტს დაადასტურებს და ამით ძალიან გახარებული იყო.
საქართველოს ყოფილი პრემიერ-მინისტრი ბიძინა ივანიშვილი მეუღლესთან ერთად საზოგადოებრივ დარბაზ "ჯაზუში" იური ვაზაგაშვილის სამოქალაქო პანაშვიდზე იმყოფებოდა.
