დღეს საქართველოს მართლმადიდებლურიეკლესია ასი ათასი მოწამის ხსენების დღეს აღნიშნავს. ამასთან დაკავშირებით, სრულიად საქართველოს კათოლიკოს-პატრიარქი ილია II მეტეხის ხიდზე პარაკლისს გადაიხდის.
დიდუბის პანთეონიდან მეტეხის ხიდის მიმართულებით მსვლელობა 14:00 საათზე დაიწყება, მეტროსადგურ "ისნიდან" და სპორტის სასახლის მიმდებარე ტერიტორიიდან კი 15:00 საათზე. მსვლელობის მონაწილეებს თბილისის სხვადასხვა ტაძრების მრევლიც შეუერთდება.
პარაკლისი კი მეტეხის ხიდზე 17:00 საათზე შესრულდება, რომლის დასრულების შემდეგ მოწამეთა პატივსაცემად მტკვარში ყვავილები ჩაიყრება.
პარაკლისის დაწყებამდე მეტეხის ხიდზე გაიმართება კონცერტი, რომელშიც ხალხური ანსამბლები და ფოლკლორული გუნდები მიიღებენ მონაწილეობას.
