გიორგი მღებრიშვილი: "ციხის ადმინისტრაციის უფროსები თანამდებობებს ტოვებენ"
სასჯელაღსრულებისა და პრობაციის მინისტრ გიორგი მღებრიშვილის განცხადებით, ციხის ადმინისტრაციის უფროსების ნაწილი მინისტრის ბრძანებით გათავისუფლდა.
"სასჯელაღსრულების დეპარტამენტი არ უქმდება, უბრალოდ ეცვლება სტატუსი. საქვეუწყებო სტატუსი მას გაუუქმდება და იქნება ჩვეულებრივი დეპარტამენტი, რომელიც შემოვა სამინისტროში და ინტეგრირდება სრულად და დაექვემდებარება მინისტრს. ციხის ადმინისტრაციის უფროსები ზოგი თავისი განცხადებით ტოვებს სამსახურს, ზოგს ჩვენ ვათავისუფლებთ. ეს არის ჩვეულებრივი პროცესი და განსაკუთრებულს ვერაფერს ვერ ვხედავ", - განაცხადა მღებრიშვილმა.
