საიდუმლო შეკრება და დიდი „წიოკი“ ივანიშვილთან

ნიკა გვარამია სოციალურ ქსელში სკანდალურ ინფორმაციას ავრცელებს.

"მოკლედ, რუსთავი 2-ის გუშინდელი ეთერის საპასუხოდ, დღეს შეკრიბა ბიძინა ივანიშვილმა მთელი თავისი და სამთავრობო (თუ ეგ ერთიდაიგივეა?) პიარ გუნდი (ნუ, რა შესაძლებლობების და უნარებისაა ეს გუნდი, სხვა საკითხია). იყო დიდი ამბავი და წიოკი. ბუნებრივიცაა და საქმე ამაში არაა.

საქმე კი იმაშია, რომ ამ შეხვედრას ესწრებოდა მარეგულირებელი კომისიის უკვე სამწუხაროდ ცნობილი წევრი, ბატონი კახა ბექაური, რომელიც ისედაც Gs-ში ზის სულ. 

პიარი და ბექაური ისეთსავე კავშირშია, როგორც მე და გეოლოგია. ასე რომ, ეს შეხვედრა მარტო პიარს არ მიეძღვნა და, სავარაუდოდ, რეკლამის კანონის შემდგომ, ბექაურის ახალ საინტერესო ინიციატივებს უნდა ველოდოთ"-წერს გვარამია.