ზვიად კვაჭანტირაძე: მთას და მიწას შევძრავთ და დანაპირებს შევასრულებთ დარჩენილ ერთ წელიწადში!
საპარლამენტო უმრავლესობის წევრი ზვიად კვაჭანტირაძე გაზეთ "ახალ თაობასთან" ხელისუფლების მიერ შეუსრულებელი დაპირებების შესახებ საუბრობს. კვაჭანტირაძის განცხადებით, საზოგადოების ნაწილის იმედგაცრუება აუცილებლად პოზიტიურად შეიცვლება, რადგან უმრავლესობა თავის დანაპირებს აუცილებლად შეასრულებს.
"ჩვენი ამოცანაა მუხლჩაუხრელი მუშაობა იმ წინასაარჩევნო დაპირებების შესასრულებლად, რომლებიც ხალხს მივეცით. მთას და მიწას შევძრავთ და დანაპირებს შევასრულებთ დარჩენილ ერთ წელიწადში.
ჩვენ პრემიერ-მინისტრს შევხვდით, სადაც ვისაუბრეთ იმ ამოცანებზე, რომლებიც ხელისუფლებას აქვს შესასრულებელი. პირველ რიგში ეს ამოცანა ეკონომიკური ბერკეტების მაქსიმალურად ამუშავება და ამ პოტენციალის მაქსიმალურად გამოყენებაა ახალი სამუშაო ადგილების შექმნის თვალსაზრისით" - აცხადებს კვაჭანტირაძე.
