ვაჟა ბერიძე: ჯერ ტარიფის განსაზღვრის კრიტერიუმი უნდა გაირკვეს

"ვიდრე საზოგადოებისთვის ცნობილი არ გახდება, თუ რის ნიადაგზე მოხდა იმ ტარიფის განსაზღვრა, რომელიც გვაქვს, მანამ ვერც შევაფასებთ მის მართებულებას", _ განაცხადა "ივერიონთან" საუბრისას ანალიტიკოსმა ვაჟა ბერიძემ.

მისი თქმით, ტარიფების მართებულობა მაშინ გაირკვევა, როცა შესაძლებელი იქნება საზოგადოებისთვის მისი გაცნობა.

ვაჟა ბერიძე ანტიმონოპოლიური სამსახურის შექმნის აუცილებლობაზეც საუბრობს. "როგორც პრემიერ-მინისტრმა აღნიშნა, მიმდინარეობს მუშაობა ანტიმონოპოლიური სამსახურის შექმნაზე, რაც მისასალმებელია. სახელმწიფოში უნდა ჩამოყალიბდეს მძლავრი ანტიმონოპოლიური სამსახური, რომელიც დაარეგულირებს მონოპოლიებს, და საბოლოო ჯამში, შექმნის კონკურენტულ ბიზნესგარემოს. ეს კი, სხვადასხვა პროდუქტებზე ფასების დაკლებას გამოიწვევს", _ განმარტავს ვაჟა ბერიძე.