სასჯელაღსრულების, პრობაციისა და იურიდიული დახმარების საკითხთა სამინისტროს გენერალური ინსპექცის მიერ ჩატარებული სამსახურებრივი შემოწმების შედეგად, სასჯელაღსრულების სისტემიდან 16 მოსამსახურე გაათავისუფლეს, ხოლო 2 პირს საყვედური გამოუცხადეს.
ამის შესახებ ინფორმაციას სამინისრტოს ოფიციალური ვებგვერდი ავრცელებს.
"სასჯელაღსრულების, პრობაციისა და იურიდიული დახმარების საკითხთა სამინისტროს ცხელ ხაზზე შემოსული სატელეფონო შეტყობინებებისა და მსჯავრდებულთა მომართვების საფუძველზე, სამინისტროს გენერალური ინსპექციის მიერ შესაბამისი ღონისძიებები გატარდა", - წერია განცხადებაში.
