რა დანაშაული მოხდა ორი წლის წინ დასუფთავების სამსახურში?
დღეს მთავრობის სხდომაა. სხდომის დაწყებამდე ფინანსთა მინისტრმა ნოდარ ხადურმა ჟურნალისტებთან მოკლე კომენტარი გააკეთა თბილისის დასუფთავების სამსახურში ფინანსთა სამინისტროს საგამოძიებო სამსახურისა და შემოსავლების სამსახურის შესვლასთან დაკავშირებით.
ხადურის განცხადებით, დასუფთავების სამსახურში საგამოძიები დეპარტამენტი ორი წლის წინ აღძრული სისიხლის სამართლის საქმესთან დაკავშირებით შევიდა.
"ეს საქმე განვაახლეთ და სწორედ ამით იყო განპირობებული დასუფთავების სამსახურში ფინანსთა სამინისტროს საგამოძიები დეპარტამენტის შესვლა",-განმარტა ნოდარ ხადურმა.
მინისტრის განცხადებით, საგამოძიებო სამსახურები დაკავებულები არიან მხოლოდ ორგანიზაციების მიერ გადასახადების გადახდის შემოწმებით, რამდენად პირნათლად იხდიან გადასახადებს და ამ საკითხის პოლიტიზირება არ ხდება.
