კახა გეწაძეც დაკავებულია!

ზესტაფონის გამგებელი და ჭიდაობის ფედერაციის პრეზიდენტი კახა გეწაძე დაკავებულია.

წინასწარი ინფორმაციით, მას ბრალი ჯანმრთელობის განზრახ მსუბუქ დაზიანებაში ედება. მას ბრალი სსკ 118-ე მუხელის პირველი ნაწილით წარედგინა. დანაშაული კონკრეტულ ჩხუბს უკავშირდება, რომელიც წელიწად ნახევრის წინ მოხდა.

გეწაძეს ბრალს სსკ 239-ე მუხლის მე-3 ნაწილითაც წაუყენებენ, ესაა ხულიგნობა ჩადენილი ცეცხლსასროლი იარაღით, რაც ბრალის დამტკიცების შემთხვევაში, თავისუფლების 4-დან 7 წლამდე აღკვეთას ითვალისწინებს. ასევე კახა გეწაძეს დაემატა კიდევ ერთი მუხლი - სსკ 184-ე მუხლის პირველი ნაწილი.

დღეს  დილით კახა გეწაზე იმერეთის საოლქო პროკურატურაში დაიბარეს და მისი დაკითხვა იქ დაიწყო. თავდაპირველად იგი მოწმის სახით იკითხებოდა, შემდეგ კი დააკავეს.