გია ნოდია: პალესტინის უფლებების გაზრდის მხარდაჭერა ახალმა ხელისუფლებამ მიიღო
„არ მგონია, რომ საქართველო ამ გადაწყვეტილებით ამერიკას დაუპირისპირდა“.
ეს განცხადება მშვიდობის, დემოკრატიის და განვითარების კავკასიური ინსტიტუტის თავმჯდომარემ გია ნოდიამ საქართველოს მიერ პალესტინის სტატუსის გაზრდისთვის გაეროს რეზოლუციის მხარდაჭერასთან დაკავშირებით გააკეთა.
„საგარეო საქმეთა ახალმა სამინისტრომ უკვე აღიარა, რომ გადაწყვეტილება პალესტინისთვის სტატუსის გაზრდის შესახებ მათ ეკუთვნით. ვერც ერთი ელჩი ვერ მიიღებს ასეთ გადაწყვეტილებას დამოუკიდებლად. თუმცა მიმაჩნია, რომ ეს გადაწყვეტილება არ ნიშნავს პალესტინის დამოუკიდებლობის ერთპიროვნულად აღიარებას და დასავლეთიდან გამოყოფას. მე ვთვლი, რომ უფრო სწორი ნაბიჯი იქნებოდა საქართველოს ამ საკითხზე კენჭისყრისას თავი შეეკავებინა. მაგრამ არ მგონია, რომ საქართველო ამ ნაბიჯით მკვეთრად დაუპირისპირდა ამერიკას“, - აცხადებს ნოდია.
