ბიძინა ივანიშვილმა ქუთაისში საპარლამენტო უმრავლესობასთან შეხვედრის დაწყებამდე ჟურნალისტებს განუცხადა, რომ ბევრი განცხადება მასთან შეუთანხმებლად კეთდება და საჭიროა კოორდინაცია მხარეებს შორის.
"ბევრი განცხადება კეთდება შეუთანხმებლად, მგონი ჩემს განცხადებასაც ბევრი აღარ კითხულობს. დეპუტატები ხშირად განსხვავებულ პოზიციებს იჭერენ. აბსოლუტური უმრავლესობა პირველადაა ხელისუფლებაში. ბევრი ახალი სახეა წარმოდგენილი რაღაც დრო გავიდა და პირველი მოთელვა უკვე გავიარეთ. საჭიროა უფრო დისციპლინირებულები ვიყოთ და მეტი კოორდინაცია გვქონდეს ერთმანეთში",-განაცხადა ბიძინა ივანიშვილმა.
პრემიერ-მინისტრსა და საპარლამენტო უმრავლესობას შორის შეხვედრა ამ წუთებშიც მიმდინარეობს.
