თბილისის ნაწილს წყალმომარაგება შეეზღუდება

თბილისის ზოგიერთ ქუჩას დღეს წყალმომარაგება შეეზღუდება.

კომპანია „ჯორჯიან უოთერ ენდ ფაუერის“ ინფორმაციით, წყლის შეწყვეტის მიზეზი გლდანში, შეშელიძის ქუჩაზე, სასტუმრო „პიზასთან“ გამავალი მე-7 მაგისტრალური წყალდენის დაზიანებაა.

დაზიანების ლიკვიდაციის მიზნით, დღეს 12:00 საათიდან 11 დეკემბრის 08:00 საათამდე წყალმომარაგება „ცენტროლიტის“, კონიაკის, გლდანულას, მუხიანის სამხედრო და „გაზის“ დასახლებებს შეუწყდება.

ამავე პერიოდში წყალი გლდანის მასივის III, IIIა, V, VI, VII, VIII მ/რაიონებს, თემქის III მ/რაიონს და მუხიანს, ანდრონიკაშვილის, ბიჭვინთის და რევოლუციის ქუჩებს, სოფლებს - გლდანსა და გიორგიწმინდას, სასჯელაღსრულების დეპარტამენტის გლდანის N8 საპატიმროს შეეზღუდება.

ხუდადოვის ქ. N41-თან მომხდარი დაზიანების ლიკვიდაციის გამო,   დღეს, 15:00 საათამდე წყალმომარაგება ხუდადოვის ქუჩის კენტ ნომრებს არ მიეწოდება.

ტაშკენტის ქ. N32-ში, აბონენტის კუთვნილი წყალსადენის შიდა ქსელზე მომხდარი დაზიანების გამო, 16:00 საათამდე წყალმომარაგება  გაგარინის, ვაზისუბნის, კანდელაკის, ბუდაპეშტის, ტაშკენტის, ამბროლაურის, ონიაშვილის, ლვოვის, ჩერქეზიშვილის, ზემო ვეძისის, ოსეთის ქუჩებს გაეთიშება.

დროის აღნიშნულ მონაკვეთში წყალი ასევე, ვაჟა-ფშაველას გამზირის კენტ ნომრებს ყოფილ სასტუმრო „აფხაზეთამდე“ არ მიეწოდება.

ქობულეთის ქ. N25-თან, წყალსადენის ქსელზე მომხდარი დაზიანების გამო, დღეს,  21:00 საათამდე წყალმომარაგება ქობულეთის, მცხეთის, კეკელიძის, ჯანაშვილის ქუჩებს და მარაბდის შესახვევს შეეზრუდება.