ლალი აფციაურს სასამართლო პროცესში მონაწილეობა აუკრძალეს
ირაკლი ოქრუაშვილის საქმეზე თბილისის საქალაქო სასამართლოში მიმდინარე პროცესზე ბრალდებულების გაბრიელ პავლიაშვილისა და გიორგი გაბროშვილის ადვოკატი ლალი აფციაური მოსამართლე ხათუნა ხარჩილავამ სასამართლო დარბაზიდან გააძევა. ამის მიზეზი აფციაურსდა და პროკურორს შორის შელაპარაკება გახდა.
აღსანიშნავია, რომ ლალი აფციაურს ჯარიმა 500 ლარის გადახდაც დაეკისრა.
შეგახსენებთ, საქალაქო სასამართლოში ირაკლი ოქრუაშვილის, თამაზ ბეგიაშვილის, ხვიჩა საბაშვილის, იოსებ გიგუაშვილის, გაბრიელ პავლიაშვილის, ზაზა ბეთლემიძისა და გიორგი გაბროშვილის სასამართლო პროცესი მიმდიონარეობს. მათ ბრალი 2011 წლის მაისში შეიარაღებული რაზმების უკანონოდ შექმნასა და მასში მონაწილეობაში ედებათ.
