ახალი პროგრამა რეგიონული განვითარებისთვის
რეგიონული განვითარების სამინისტროში, რეგიონული განვითარებისა და ინფრასტრუქტურის მინისტრის მოადგილე თენგიზ შერგელაშვილი გაეროს განვითარების პროგრამის მუდმივი წარმომადგენლის მოვალეობის შემსრულებელს საქართველოში ინიტა პაულოვიჩას მიიღებს.
მინისტრის მოადგილე და ინიტა პაულოვიჩა ხელს მოაწერენ პროექტს ”რეგიონული და ადგილობრივი განვითარების ხელშეწყობა საქართველოში” .
აღნიშნული პროექტის ფარგლებში განსახორციელებელ ღონისძიებებს გაეროს განვითარების პროგრამა (UNDP), შვეიცარიის განვითარებისა და თანამშრომლობის სააგენტო (SDC) და ავსტრიის განვითარების სააგენტო (ADA) დააფინანსებენ.
