ახალციხის ბიბლიოთეკაში ევროპის კუთხე გაიხსნება
16 დეკემბერს, 15 საათზე ახალციხის ცენტრალურ ბიბლიოთეკაში ევროპის თემაზე გამოფენა მოეწყობა.
ბიბლიოთეკაში ასევე ევროპის კუთხის გახსნაც იგეგმება. ინფორმაციას „Кавказ-Пресс“ ავრცელებს.
გამოფენის ორგანიზატორების ინფორმაციით, ექსპოზიციაზე წარმოდგენილი იქნება როგორც ეროვნული ბიბლიოთეკის ფონდში შემონახული, ასევე ეროვნულ არქივსა და ხელნაწერთა ეროვნულ ცენტრში არსებული უნიკალური მასალები: ფოტო, კინო, ხელნაწერები და დოკუმენტები, რომლებიც ქართულ-ევროპულ ურთიერთობებს ასახავს. ეს ყოველივე კი, დაეხმარება მოსახლეობას დეტალურად გაეცნონ ევროპულ თემაზე არსებულ პუბლიკაციებს.
გამოფენის ორგანიზატორი ორგანიზაცია „ახალი თაობა - ახალი ინიციატივაა“.
