თბილისის ნაწილს ელექტროენერგია შეეზღუდება

დღეს თბილისის რამდენიმე ქუჩას  ელექტროენერგიის მიწოდება შეეზღუდება.

კომპანია „თელასის“ ინფორმაციით, შუქი 10-დან 16 საათამდე ვაზისუბნის I მიკრორაიონის ნაწილს გაეთიშება.

ენერგომომარაგება 10-დან 17 საათამდე ნუცუბიძის პლატოს IV მიკრორაიონის და ლისის ტბის მიმდებარე ტერიტორიის აბონენტებს არ მიეწოდება.

10-დან 17 საათამდე კი, ელექტროენერგია თემქის დასახლების III მიკრორაიონის V კვარტალს, XI მიკრორაიონის III კვარტლის ნაწილს, რომელაშვილისა და მიმდებარე ქუჩებს შეეზღუდება.

შეზღუდვა 10-დან 18 საათამდე გლდანის მასივის I მიკრორაიონსაც შეეხება.

შუქი 11-დან 16 საათამდე თევდორე მღვდლის, გორისა და მიმდებარე ქუჩებს, აღმაშენებლის გამზირს, თამარ მეფის გამზირის ნაწილს და კვინიტაძის ქუჩას გაეთიშება.