პარტია "თავისუფალი საქართველოს“ ლიდერი, კახა კუკავა, დღეს გამართულ ბრიფინგზე არალეგალური თავშესაფრებისთვის 2013 წლის თბილისის ბიუჯეტიდან ერთი მილიონი ლარის გამოყოფას ითხოვს.
მისი თქმით, 7 ათასამდე ადამიანი დაუმთავრებელ შენობებსა და ქარხნის საამქროებში არის შესახლებული.
პარტიის განცხადებით, შენობებში საცხოვრებელი პირობები არ არსებობს და ერთ მილიონ ლარს კომუნიკაციების გაყვანისა და გადახურვისთვის ითხოვს.
კახა კუკავას განმარტებით, თბილისის ბიუჯეტში არ არის გათვალისწინებული თანხები სოციალური პროექტებისთვის, მაშინ როცა გარეგანათების ბოძებზე ქოთნის ყვავილების მოწყობისთვის 9 მილიონი ლარია გამოყოფილი.
