ახალქალაქში დიდი რაოდენობით საბრძოლო მასალა აღმოაჩინეს

სამართალდამცველებმა ოპერატიული ინფორმაციის საფუძველზე ახალქალაქში, აეროპორტის საერთო საცხოვრებელში არსებული მიტოვებული საცხოვრებელი სახლიდან დიდი რაოდენობით საბრძოლო მასალა ამოიღეს.

შსს-ს ინფორმაციით, 14 დეკემბერს შინაგან საქმეთა სამინისტროს ახალქალაქის რაიონულ სამმართველოში სისხლის სამართლის საქმე აღიძრა ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა-შენახვის ფაქტზე. 

ამოღებულია ორი ცალი საკვალე კოჭა, ცხრა ცალი "ეფ-1" ტიპის ხელყუმბარა, ოთხი კაფსულის დეტონატორი მუხტით, ხოლო ერთი დეტონატორი ამფეთქებლის გარეშე, ერთი ცალი N7 ტიპის "ერგედე"-ს ხელყუმბარა, 1 ცალი ტანკსაწინააღმდეგო ხელყუმბარა, 2497 ცალი 7,62 კალიბრიანი ვაზნა, 96 ცალი 5,45 კალიბრიანი "აკაეს"-ის ვაზნა, სამი ცალი იარაღის ბუდე და ორი ცალი სამხედრო ჩანთა.

ფაქტზე სისხლის სამართლის საქმე 236-ე მუხლის პირველი ნაწილით აღიძრა. გამოძიებას ახალქალაქის რაიონული სამმართველო აწარმოებს.