"ამ ეტაპზე "ნაციონალებს" პარლამენტის დათხოვნა არ აწყობთ. ჯერ არ არსებობს ხელისუფლების მიმართ ისეთი იმედგაცრუება, რომ რიგგარეშე არჩევნების შემთხვევაში "ნაციონალურმა მოძრაობამ" წარმატებას მიაღწიოს", _ აცხადებს პარტია "იმედის" ლიდერი ირინა სარიშვილი გაზეთ "ახალი თაობისთვის" მიცემულ ინტერვიუში.
მისი თქმით, "ქართული ოცნება" მოსახლეობას აოგნებს და საკუთარი თავის დისკრედიტაციას ახდენს თავისი მოქმედებითა თუ უმოქმედობით. ასეთ ფონზე არ არის გამორიცხული, პრეზიდენტმა მთავრობა დაითხოვოს, ოღონდ ეს არ მოხდება გაზაფხულზე.
ამ ეტაპზე იმის თეორიული შანსიც კი არ არის, რომ "ნაციონალები", არჩევნების შემთხვევაში, წარმატებას მიაღწევენ.
"დღითიდღე ხდება არსებული ხელისუფლების უსუსურობის და დაბნეულობის გამომზეურება და ეს "ნაციონალური მოძრაობისთვის" არც თუ ისე ცუდი მდგომარეობაა. მაგრამ, მიშა როგორი არაადეკვატურიც იყო წინა წლების განმავლობაში, ისეთივეა ახლაც", _ აცხადებს სარიშვილი.
მისი შეფასებით, დღეს არსებული მდგომარეობა, უბრალოდ, სპექტაკლია და არჩევნების მშვიდობიანად ჩატარების საფასურს ახლა ვიხდით.
