თბილისის მერია დედაქალაქში დაგეგმილ საახალწლო ღონისძიებების პროგრამას ავრცელებს.
თბილისის მერიის ინფორმაციით, საახალწლო პროგრამის ფარგლებში 25 დეკემბერს, 18:00 საათზე, რუსთაველის გამზირზე სახალწლო ნაძვის ხის ანთების ცერემონია გაიმართება.
25 დეკემბრიდან 14 იანვრამდე მთაწმინდის პარკში სანტა კლაუსი და თოვლის ბაბუა პატარებს საჩუქრებით და სხვადასხვა გასართობი სანახაობით შეხვდებიან. ყოველდღიურად გაიმართება საბავშვო კონცერტები და თეატრალური წარმოდგენები.
25 დეკემბერს, 16:00 საათზე, ბიგ ბენდის კონცერტით მეიდნის საახალწლო ფესტივალი გაიხსნება. კინოს მოედანზე დაგეგმილია ნაძვის ხეების ფესტივალის გახსნა, რომელზეც სხვადასხვა კომპანიები თავიანთი დიზაინით შექმნილ ორიგინალურ ნაძვის ხეებს წარმოადგენენ. გამოფენა 2 იანვრამდე გაგრძელდება.
ასევე, მეიდნის საახალწლო ფესტივალის განმავლობაში, ყოველდღე, 16:00 საათიდან, კინოს მოედანზე თბილისის ხელოვნების სკოლების ორკესტრებისა და ანსამბლების კონცერტები გაიმართება.
26 დეკემბერს, 15:00 საათზე, კინოს მოედანზე, თოჯინების საოპერო თეატრის სპექტაკლი "სევილიელი დალაქის" წარმოდგენა იგეგმება. 27 დეკემბერს კი ამავე მოედანზე - თითების თეატრის სპექტაკლი "ექსტრავაგანსა" გაიმარება.
ამასთან, საახალწლო პროგრამის ფარგლებში, 25 დეკემბრიდან 15 იანვრამდე გლდანის პარკში ყინულის მოედანი გაიხსნება. თოვლის ბაბუა 4 იანვარს გლდანის პარკს, 10 იანვარს კი, მუშტაიდის პარკს ესტუმრება.
ღონისძიებებზე დასწრება უფასოა.
