ბაჩო ახალაიას "ფეისბუქი" გაუტეხეს?!
ბაჩო ახალაიას დაკავების შემდეგ, მისი მეუღლე ანა ნადარეიშვილი ძალიან გააქტიურდა. მან არასამთავრობო ორგანიზაციაც კი ჩამოაყალიბა.
დღეს სოციალურ ქსელ "ფეისბუქის" საკუთარ გვერდზე გააკეთა განცხადება, რომ ბაჩო ახალაიას "ფეისბუქის" გვერდი გაუტეხეს.
"ბაჩოს "ფეისბუქის" პროფილი გაუტეხეს და საერთოდაც გააუქმეს. თუ მისი სახელით ვინმეს რამე შეტყობინება მოგივიდათ, იცოდეთ, რომ ეს იმ ვანდალების ნამოქმედარია, ვინც განახორციელა კიბერშეტევა", _ აცხადებს ნადარეიშვილი.
ბაჩო ახალაიას მეუღლე გუშინ აცხადებდა, რომ ბაჩო ახალ წელს მარტო არ იქნება. "ის ჩემთან ერთად, ციხის კედლების გარეთ შეხვდება ახალ წელს", - ამბობს ნადარეიშვილი.
