ოპოზიცია პარლამენტს მომავალ კვირაში დაუბრუნდება
“ოპოზიციას პარლამენტისთვის ბოიკოტი არ გამოუცხადებია და მიღებული გადაწყვეტილებაც კონკრეტულ ვითარებას უკავშირდებოდა”,- განაცხადა "ექსპო ჯორჯიაში" "ნაციონალური მოძრაობის" კონფერენციის დასრულების შემდეგ დავით ბაქრაძემ.
ბაქრაძის განცხადებით, ოპოზიცია აპირებს საპარლამენტო საქმიანობას მომავალი კვირიდან დაუბრუნდეს და რიგგარეშე სხდომებსაც დაესწროს.
ოპოზიციამ საპარლამენტო საქმიანობა მიმდინარე კვირის დასაწყისში ყოფილი მაღალჩინოსნების დაკავებების შემდეგ დროებით შეაჩერა და დედაქალაქში დაბრუნდა.
