გორის გამგეობა პოლიციას აღარ დააფინანსებს

გორის მუნიციპალიტეტის საკრებულოს გადაწყვეტილებით, 2013 წელს შინაგან საქმეთა სამინისტროს რეგიონული ორგანოების დაფინანსება აღარ მოხდება. ამ ინფორმაციას შიდა ქართლის საინფორმაციო ცენტრი ავრცელებს.

ეს პროექტი საკრებულოს დასამტკიცებლად გორის გამგეობამ მიაწოდა. მომდევნო წელს გამგეობა პოლიციის არც კომუნალურ და არც ტრანსპორტის ხარჯებს არ დაუფინანსებს.

საკრებულოს ბიუროს სხდომაზე 2012 წელს პოლიციის ორგანოებისადმი დარჩენილი ვალდებულებების შესრულებაზე იმსჯელეს. კერძოდ, პოლიციის ტრანსპორტის ხარჯისთვის (საწვავისთვის) გათვალისწინებული 6 700 ლარი კომუნალურ (გათბობა) გადასახადზე გადაიტანეს. ამით ადგილობრივი თვითმმართველობის ბიუჯეტიდან პოლიციის დაფინანსება დამთავრდება.