მიხეილ სააკაშვილი ახალ წელს ავღანეთში შეხვდება

ქართველი ჯარისკაცები, რომლებიც ავღანეთში ISAF-ის პროგრამის ფარგლებში მსახურობენ, ახალ, 2013 წელს ქვეყნის მთავარსარდალთან ერთად შეხვდებიან.

ამის შესახებ განცხადება სააკაშვილის „ფეისბუქის“ ოფიციალურ გვერდზე გავრცელდა.

„საქართველოს პირველი პირი ჰელმანდის პროვინციაში წინასაახალწლოდ ჩავა, სამხედროებს ახალ წელს პირადად მიულოცავს და ახალი წლის ღამეს სამხედრო ბაზაზე მათთან ერთად გაატარებს“, - ნათქვამია განცხადებაში.

საქართველოს პრეზიდენტი ქართველ სამხედრო მოსამსახურეებს ავღანეთში უკვე მეორედ მოინახულებს. პირველად, მიხეილ სააკაშვილი მათ 2012 წლის 20 თებერვალს სტუმრობდა, რომლებთან ერთადაც იგი ჯავშანტექნიკით პატრულირებდა.