ცხელი ამბავი
›შესყიდვის ელექტრონული აქტი - გამარტივებული აღრიცხვა თუ ახალი ბარიერები მეწარმეებისა და ფიზიკური პირებისთვის? ›აუდიტის საჯარო ზედამხედველობის გაძლიერება თუ პროფესიული საქმიანობის შეზღუდვა? - კანონპროექტის კრიტიკული შეფასება ›გური ოტობაიას ტრიადა: „ენგურის ხეობის საგა“ ›STOP! STOP! STOP! ›როცა თვითცენზურის ჭანჭიკი მოშლილია, ცენზურა უნდა არსებობდეს! ›ვიყავი, ვნახე... ვერ გავიგე! ანუ, რობერტ სტურუას „გედის სიმღერა“! ›ძირს ლიბერალური პარტიები, გაუმარჯოს ხალხის ხმას! ›როსტევანის ამბავი რუსთაველის თეატრის სცენაზე, ანუ ხიდი თუ უფსკრული? ›ვინ იქნება მომავალი პატრიარქი?! ›რატომ დაპატარავდა დიდი ბრიტანეთის იმპერია

შსს-მ მკვლელობაში ეჭვმიტანილი დააკავა

შსს-მ მკვლელობაში ეჭვმიტანილი დააკავა

შინაგან საქმეთა სამინისტროს ინფორმაციით, 25 დეკემბერს, თბილისის მთავარი სამმართველოს დეტექტივების სამმართველოს პირველი განყოფილების, გლდანი-ნაძალადევის შს სამმართველოსა და თბილისისა და მცხეთა-მთიანეთის საპატრულო პოლიციის მთავარი სამმართველოს თანამშრომლებმა, ერთობლივი ოპერატიულ-სამძებრო ღონისძიების შედეგად, 1949 წელს დაბადებული ციალა ნიკოლაძის განზრახ მკვლელობისთვის, 1963 წელს დაბადებული ვაჟა ა. დააკავეს.

გამოძიების ინფორმაციით, ციალა ნიკოლაძის ოჯახსა და ვაჟა ა-ს, საცხოვრებელი ფართის გამო, წლების განმავლობაში უთანხმოება ჰქონდათ. 25 დეკემბერს, თბილისში, დაახლოებით 16:00 საათზე, ბახმაროს ქუჩაზე ვაჟა ა. ჩაუსაფრდა ციალა ნიკოლაძეს და ცეცხლსასროლი იარაღით, ზურგის არეში რამდენიმე გასროლით, სასიკვდილოდ დაჭრა. ქალბატონი ადგილზევე გარდაიცვალა.

სამართალდამცველებმა, დანაშაულის ადგილიდან მკვლელობის იარაღი - "ნაგანის" სისტემის რევოლვერი, 4 ცალი მასრა და 2 ტყვიის გულა ამოიღეს.

გამოძიება საქართველოს სისხლის სამართლის კოდექსის 108-ე (განზრახ მკვლელობა) და 236-ე (ცეცხლსასროლი იარღის მართლსაწინააღმდეგო შეძენა-შენახვა-ტარება) მუხლების პირველი და მეორე ნაწილებით მიმდინარეობს. საქმეს თბილისის მთავარი სამმართველოს დეტექტივების სამმართველოს პირველი განყოფილება იძიებს.

გააზიარე სტატია

საიტის კომენტარები (0)

Facebook კომენტარები: