ხვალ თბილისის მოსახლეობის ნაწილს გაზმომარაგება შეუწყდება

შპს "ყაზტრანსგაზ-თბილისის" ცნობით, დიდუბის ბაქრაძისა და აგლაძის ქუჩის კუთხეში გაზგასამართი სადგურის საშ/წნევის დ-300 მმ მიწისქვეშა გაზსადენზე ჩასატარებელ სამუშაოებთან დაკავშირებით, ხვალ, 30 აპრილს 10.00სთ-დან 17.00სთ-მდე გაზის მიწოდება შეუწყდება აგლაძის ქ. 26 კორპუსს, წერეთლის გამზ. 67, 69, 71, 73, 75, 77, 79, 110, 112, წერეთლის 9, 10, 11, 12, 13 კორპუსების, ხოშარაულის ქ. 22, 24, სამტრედიის ქ. 11-ის მოსახლეობასა და აღნიშნულ ტერიტორიაზე არსებულ მსხვილ კომერციულ კომუნალურ, საზკვების ობიექტებს. გაზმომარაგება აღდგება სამუშაოს დასრულებისთანავე.

შპს ყაზტრანსგაზ-თბილისი აბონენტებს მოუწოდებს, დაკეტილ მდგომარეობაში იქონიონ ბინებში არსებული გაზის ონკანები, უყურადღებოდ არ დატოვონ გაზის დანადგარები.