საქართველოს დამოუკიდებლობის დღისადმი მიძღვნილი მიღება
ბელგიის ხელოვნებისა და ისტორიის მუზეუმში საქართველოს დამოუკიდებლობის დღისადმი მიძღვნილი მიღება გაიმართა, რომელსაც საქართველოს დელეგაცია სრული შემადგენლობით დაესწრო. მიღებაზე სიტყვით გამოვიდა საქართველოს პრემიერ–მინისტრი ირაკლი ღარიბაშვილი. მან მადლობა გადაუხადა საღამოს ორგანიზატორებს საქართველოს ეროვნული დღესასწაულის აღნიშვნისთვის.
ირაკლი ღარიბაშვილმა 1918 წლის 26 მაისი გაიხსენა, როდესაც საქართველომ რუსეთის იმპერიისგან დამოუკიდებლობა გამოაცხადა და შექმნა ერთ-ერთი პირველი სოციალ-დემოკრატიული რესპუბლიკა მსოფლიოში.
მანვე ყურადღება გაამახვილა დამოუკიდებლობის გამოცხადების შემდეგ განვითარებულ მოვლენებზე და იმ გზაზე, რომელიც საქართველომ განვლო ასოცირების ხელშეკრულების ხელმოწერამდე.
