ალექსი პეტრიაშვილი: ეს არის გეგმა, რომელიც მიზანმიმართულად ხორციელდება

   ევროპულ და ევროატლანტიკურ სტრუქტურებში სახელმწიფო მინისტრი ალექსი პეტრიაშვილი უკრაინაში მიმდინარე მოვლენებს ეხმაურება:
   "ვუცხადებ სოლიდარობას და მხარდაჭერას უკრაინელ ხალხს, უკრაინის ხელისუფლებას და გამოვთქვავ მზადყოფნას ყოველმხრივი დახმარების აღმოჩენისთვის.
  პრემიერ-მინისტრმა მთავრობის სხდომაზე დავალება მისცა ყველა ჩემს კოლეგას, რათა უკრაინის ხელისუფლებას მაქსიმალური დახმარება აღმოვუჩინოთ. უკრაინაში უაღრესად სახიფათო და დრამატულ პროცესებს გავლენა ექნება არა მხოლოდ ჩვენს რეგიონზე, არამედ ზოგადად საერთაშორისო უსაფრთხოებაზე.
  აშკარააა და ერთმნიშვნელოვნად შეიძლება ითქვას, რომ ეს არ იქნება ბოლო გაჩერება. რეალობამ გვაჩვენა, რომ ეს არის გეგმა, რომელიც ხორციელდება მიზანმიმართულად და გეგმაზომიერად", - აცხადებს პეტრიაშვილი.