"სამართალდამცავთა რეფორმირების ცენტრი" შს მინისტრს მიმართავს
"სამართალდამცავთა რეფორმირების ცენტრი" მესტიის პოლიციაში მომხდარ ინციდენტთან დაკავშირებით განცხადებას ავრცელებს:
-"2005 წელს გვირგვლიანის გარდაცვალების ფაქტთან დაკავშირებით, საზოგადოებაში გაჩნდა ეჭვი, რომ შეიძლება რაღაც სახით გარეულნი ყოფილიყვნენ შსს მაღალი თანამდებობის პირები. აღნიშნული მაღალჩინოსნები თანამდებობიდან განთავიუფლებული იქნენ დროებით, გამოძიების დასრულებამდე, თუმცა ეს მოხდა რამოდენიმე კვირის დაგვიანებით, რამაც ხალხს დაუკარგა ნდობა აღნიშნული საქმის გამოძიების მიმართ.
ორიოდე დღის წინ შსს მესტიის სამმართველოს უფროსმა გიორგი სამარღანიშვილმა და მისმა მოადგილემ გიორგი ჯაფარიძემ ცემეს საკუთარი თანამშრომლები ყორშია და ჭანტურია. შსს-ს განცხადებით აღნიშნულ ფაქტზე დაწყებულია გამოძიება, თუმცა მაღალჩინოსნები კვლავ საკუთარ თანმდებობებზე იმყოფებიან. ეს ფაქტი ხელს უშლის საქმის ობიექტურ და სრულ გამოძიებას. მოვუწოდებთ შს მინისტრს სასწრფოდ გადააყენოს თანამდებობიდან გიორგი სამარღანიშვილი და გიორგი ჯაფარიძე და ამით მეტი ნდობა შესძინოს საზოგადოების თვალში გამოძიების შედეგებს".
