შსს-მ ქურდობის ფაქტზე ორი პირი დააკავა

  შსს-ს პრესსამსახურის იფორმაციით,  ჩატარებული ოპერატიულ-საგამოძიებო ღონისძიების შედეგად 2 არასრულწლოვანი: 1997 წელს დაბადებული ბესო დ. და 1998 წელს დაბადებული თორნიკე ს. ჯგუფურად ჩადენილი ქურდობის ბრალდებით დააკავეს.
  სამართალდამცველებმა ბესო დ. და თორნიკე ს. იმ დროს დააკავეს, როცა ისინი სარეალიზაციოდ გამზადებული მოპარული ნივთების ტრანსპორტირებას აპირებდნენ.
  გამოძიებამ დაადგინა, რომ დაკავებულები გლდანის რაიონში სისტემატურად ქურდავდნენ საცხოვრებელ ბინებს. ბესო დ-მ და თორნიკე ს-მ ბინების ქურდობის 7 ფაქტი აღიარეს. სამართალდამცველებმა ნაქურდალი ოქროს, ვერცხლის სამკაულები, ფული, საოჯახო ტექნიკა და აპარატურა ნივთმტკიცებად ამოიღეს.
 გამოძიება ჯგუფურად ჩადენილი ქურდობის ფაქტზე მიმდინარეობს.